İyunun 1-də Gənclər və İdman Nazirliyi və Azərbaycan Atletika Federasiyasının təşkilatçılığı ilə əməkdar məşqçi Əfqan Səfərovun 27-ci beynəlxalq memorialı keçiriləcək.
İdman.biz xəbər verir ki, yarışda Azərbaycan atletləri ilə yanaşı, Gürcüstan, Qırğızıstan, Tacikistan və Oman idmançıları da mübarizə aparacaq.
Memorial Paris-2024 Yay Olimpiya Oyunlarına lisenziya üçün reytinq xallarının toplanması baxımından əhəmiyyət kəsb edir. Bakıda ADBTİA-nın stadionunda baş tutacaq yarışın açılış mərasimi saat 16:00-da keçiriləcək.
İdman.biz
