Atletika üzrə Brilyant Liqası seriyası aprel ayında start götürəcək.
İdman.biz xəbər verir ki, əvvəlki illərdə olduğu kimi, yarış çərçivəsində 14 turnir keçiriləcək.
Ən yaxşı atletlər avqustun 27-28-də İsveçrənin Sürix şəhərində təşkil ediləcək Brilyant Liqası finalında mübarizə aparmaq hüququ qazanacaqlar.
İlk turnir aprelin 26-da Çinin Siamen şəhərində keçiriləcək. İlin ikinci mərhələsinə də Çin ev sahibliyi edəcək. O, mayın 3-də Şanxayda olacaq.
Daha sonra seriya Qətərin Doha və Mərakeşin Rabat şəhərlərində, nəhayət, iyunun 6-da bu il ilk dəfə Avropada - Romada keçiriləcək
Oslo (Norveç), Stokholm (İsveç) və Paris (Fransa) yarışlarından sonra seriya iyulda Yucin (ABŞ), Monte Karlo (Monako) və Londonda (İngiltərə) olacaq.
Brilyant Liqası avqustda finiş xəttinə çatacaq - Sileziya (Polşa), Lozanna (İsveçrə) və Brüsseldəki (Belçika) turnirlərin ardınca final 2022-ci ildən sonra ilk dəfə Sürixə qayıdacaq.
İdman.biz
