“Neftçi”nin zədəli futbolçularının durumu bəlli olub.
Klubun mətbuat xidmətindən İdman.bizə verilən məlumata görə, Azərbaycan Premyer Liqasının XX turunda “Qəbələ” ilə görüşəcək Bakı təmsilçisinin oyunçularından biri sıraya dönüb.
Bir müddətdir zədəli olan Qara Qarayev komanda ilə məşqlər keçir. Azər Əliyev və Reziuan Mirzov fərdi və qismən komanda ilə hazırlıqlarını davam etdirir.
Müalicə prosesini davam etdirən Kilan Lebon isə fərdi məşqlərlə kifayətlənir. Ataa Caber isə Asiya kubokunun oyunları ilə bağlı milli komandasının toplanışındadır.
Qeyd edək ki, “Neftçi” – “Qəbələ” matçı yanvarın 28-də keçiriləcək.
İdman.biz
