“Sabah” birmənalı şəkildə Kurban Berdıyevin xidmətində maraqlıdır”.
İdman.biz xəbər verir ki, bunu Ramil Adıgözəlov deyib.
O, Qazaxıstan mətbuatına açıqlamasında Mahaçqala “Dinamo”sundan ayrılan Kurban Berdıyevin karyerasını Azərbaycanda davam etdirəcəyinə əminliyini bildirib: “Onların razılaşıb-razılaşmayacağı isə sual olaraq qalır. Mən demək olar birmənalı şəkildə əminəm ki, Berdıyev Azərbaycanda çalışacaq. Millidə, yoxsa klubda çalışacağı isə kimin daha cəld tərpəcəyindən asılıdır”.
Qeyd edək ki, “Sabah” dünən Murad Musayevin istefasını qəbul edib. Azərbaycan millisi isə müqaviləsi başa çatan Canni de Byazinin gedişindən sonra baş məşqçisiz qalıb.
İdman.biz
