Azərbaycanda 2024-cü ilin ən yaxşı bombardirləri bəlli olub.
İdman.biz xəbər verir ki, İFFHS-in yanvar üçün açıqladığı heyətdə klublarımızın futbolçuları yer almasalar da, məhsuldarlıqları ilə seçiliblər.
Ötən ay Premyer Liqanın iki turunda 10 matç keçirilib. Kubokda isə 1/4 finalın ilk görüşləri baş tutub.
Keçirilən 14 görüşdə ən çox qol vuran futbolçu Abdullah Zubirdir. "Qarabağ"ın legioneri iki dubla imza atmaqla ümumilikdə 4 qol vurub
Zubiri İFFHS-in siyahısına düşməkdən 2 qol ayırıb. Onun komanda yoldaşı Olavio Juninyo və "Neftçi"nin kapitanı Emin Mahmudov hərəyə 3 dəfə fərqlənib.
Qeyd edək ki, bu il 6 futbolçu iki və ya daha çox qola imza atıb.
1. Abdullah Zubir ("Qarabağ") – 4
2-3. Olavio Juninyo ("Qarabağ") - 3
Emin Mahmudov ("Neftçi") – 3
4-6. Kasimir Ninqa ("Sumqayıt") - 2
Ayxan Quseynov ("Turan Tovuz") – 2
Luis Paçu ("Turan Tovuz") – 2
İdman.biz
