Kurban Berdıyevin “Sabah”ın baş məşqçisi təyin edilməsi ehtimalı yoxdur.
Bu barədə Bakı klubundan İdman.bizə məlumat verilib.
Bildirilib ki, Murad Musayevin istefasından sonra baş məşqçisiz qalan paytaxt təmsilçisi Berdıyev variantını nəzərdən keçirmir: “Rusiyalı bu yaxında komandanı tərk edib. Hazırda Kurban Berdıyevin baş məşqçi təyin olunması kimi bir variant yoxdur”.
Qeyd edək ki, Mahaçqala “Dinamo”sunu tərk edən Berdıyevin Azərbaycandan təklif aldığı üçün belə addım atdığı iddia olunur.
İdman.biz
