Milli Məclisin deputatı Müşfiq Məmmədli Sumqayıt şəhərindəki "Mehdi Hüseynzadə" adına stadionun açılışı ilə bağlı İdman.biz-ə açıqlama verib.
"Burada tək stadion deyil, eyni zamanda xəstəxana və bir neçə mədəniyyət obyektin açılışı olacaq. Bəzi obyektlərdə də son tamamlama işləri gedir. Bildiyiniz kimi, bütün bunlar kompleks şəkilndə planlaşdırılıb. Mən həmin stadionda olmuşam, burada idman üçün, idmançılar üçün bütün lazımi şərait yaradılıb. Bildiyiniz kimi, Sumqayıtlılar futbola böyük maraq göstərir, hətta "Sumqayıt" klubunun hazırda çıxış etdiyi stadionun azarkeş tutumu kiçik olduğundan yüzlərlə futbolsevər oyunu seyr edə bilmirlər. Mən də səbrsizliklə stadionun açılışını gözləyirəm, özüm də "Sumqayıt" klubunun azarkeşiyəm, mənim üçün həmin stadionun açılışı ikiqat bayram olacaq.
Eyni zamanda idman həvəskarıyam, tək Sumqayıtda deyil, digər bölgələrdə də yarışlar olanda gedib yaxından izləyirəm, millət vəkili kimi dəstək oluram. Hazırda biz Braziliya Respublikasının gününə həsr olunmuş tədbirdəyik, eyni zamanda mən Azərbaycan - Brazilya parlamentlərarası dostluq qrupunun rəhbəriyəm. Brazilya səfiri ilə "Sumqayıt" klubunu ziyarət etmişdik, hazırda müəyyən fikirlər var əməkdaşlıq barəsində. İnanıram ki, bu yöndə bütün işlər uğurla həyata keçəcək. Qısa zaman ərzində də Sumqayıt stadionu və digər müəssisələr vətəndaşlarımızın ixtiyarına veriləcək", - millət vəkili deyib.
Ağa Dadaşzadə
İdman.biz
