“Qarabağ”ın adı və Avropada uğurlu nəticələrinə baxdıqda 1 xal itki kimi görünür. Amma reallıq odur ki, “Molde” çox səviyyəli komandadır.”
Bunu İdman.biz saytına “Qarabağ”ın sabiq futbolçusu İlqar Qurbanov deyib.
Ağdam klubunun Avropa Liqasındakı qrupunu dəyərləndirən Azərbaycan millisinin veteran oyunçusu komandanın bu gün “Molde” ilə görüşü barədə də fikirlərini açıqlayıb: “Qarabağ” çətin qrupda yer alıb. Təbii ki, bu mərhələdə heç vaxt asan rəqib olmur. “Haken”i zəif kimi qələmə verirlər. Amma onlar da asan rəqib deyillər. “Bayer” tamam ayrı səviyyədir. Xavi Alonsonun gəlişindən sonra daha da gücləniblər. Sözsüz almanlar qrupun əsas favoritdir”.
Qurbanov “Molde”nin də güclü rəqib olduğunu düşünür: “Molde”nin oyununu izlədik. Xüsusi ilə Çempionlar Liqasında “Qalatasaray”a qarşı görüşlərini. Fiziki cəhətdən çox güclü komandadır. “Qarabağ” hazırda tam formada deyil. “Sabah”la oyunda fiziki cəhətdən bir qədər özlərinə gəldiyini gördük. Komandanın bu oyuna tam hazır olduğunu deyə bilmərəm. “Molde” Türkiyədə çox yaxşı oyun nümayiş etdirdi. Bu onu göstərir ki, “Molde” səfərdə də yaxşı oynayır”.
Qeyd edək ki, sentyabrın 21-də Tofiq Bəhramov adına Respublika stadionunda reallaşacaq görüş saat 20:45-də başlayacaq.
Emin Ağa
İdman.biz
