Minifutbol üzrə Azərbaycan millisi BƏƏ-nin Ras Əl-Xayma şəhərində keçirilən dünya çempionatın yarımfinal mərhələsində qarşılaşacağı Qazaxıstan yığmamıza yad deyil.
İdman.biz xəbər verir ki, Elşad Quliyevin yetirmələri bu komanda ilə məhz AVRO-2022-nin bu mərhələsində üz-üzə gəlib.
Həmin görüşdə Azərbaycan 3:2 hesabı ilə qələbə qazanıb.
Çempion olduğumuz turnirin finalında Rumıniyanı məğlub etmişdik. Maraqlıdır ki, indi də həlledici matçda bu milliyə qarşı oynamaq ehtimalımız var. Rumınlar digər yarımfinal cütündə Macarıstanla oynayacaqlar. Bu görüş saat 19:00-da başlayacaq.
Qeyd edək ki, Azərbaycan - Qazaxıstan matçı isə saat 20:30-da start götürəcək.
Emin Ağa
İdman.biz
