Azərbaycan yığmasının futbolçusu Mahir Emrelinin çıxış etdiyi “Dinamo” Konfrans Liqasında uduzub.
İdman.biz xəbər verir ki, Zaqreb klubu səfərdə “Viktoriya”ya 0:1 hesabı ilə məğlub olub.
C qrupunu yer alan Mahirin komandası keçirdiyi 4-cü oyunda meydandan xalsız ayrılıb. Emreli start heyətində meydana çıxsa da, fasilədə əvəzlənib. Birinci hissədə hesabı açan Çexiya klubu üstünlüyünü sonadək qoruya bilib.
Qeyd edək ki, “Dinamo” üç xalla qrupda sonuncu pillədə qərarlaşıb. Zaqreblilər Konfrans Liqasında növbəti görüşünü noyabrın 30-da səfərdə “Astana”ya qarşı keçirəcək.
İdman.biz
