Azərbaycan Kubokunun II təsnifat mərhələsində “Sumqayıt”ın futbolçusu Kristian Velinovskinin ayağı sınıb.
İdman.biz xəbər verir ki, aparılan müayinədən sonra Velinovski sabah əməliyyat olunacağı bildirilib.
Kristian "Lerik" - "Sumqayıt" matçının 23-cü dəqiqəsində ağır xəsarət alaraq meydanı tərk edib. Komandanın məşqçi və futbolçu heyəti “Lerik”lə oyundan dərhal sonra xəstəxanda həmkarlarına baş çəkiblər. Futbolçunun yaşıl meydanlardan kənarda qalacağı müddət əməliyyatdan sonra dəqiq bilinəcək.
Qeyd edək ki, qarşılaşma “Sumqayıt” 6:0 hesablı qələbəsi ilə yekunlaşıb.
İdman.biz
