"Fənərbaxça" Filip Kostiçi heyətinə cəlb edib.
İdman.biz xəbər verir ki, serbiyalı futbolçu ilə müqavilə bağlandığı açıqlanıb.
Kostiç İstanbul klubunda mövsümün sonuna kimi icarə əsasında oynayacaq. Müqavilənin şərtlərinə görə "Fənərbaxça" 2025-ci ilin yayında 31 yaşlı futbolçunun tam hüquqlu transferini həyata keçirə bilər.
Qeyd edək ki, Filip komandaya "Yuventus"dan qoşulub. O, iki mövsüm ərzində Turin klubunda 87 oyunda 3 qol vurub, 15 ötürmə verib.
İdman.biz
