Bakıda ilk dəfə badminton üzrə qarışıq komandaların Avropa çempionatı keçiriləcək.
İdman.biz xəbər verir ki, Bakı İdman Sarayında baş tutacaq yarışda 8 komanda mübarizə aparacaq.
1-ci qrupda yer alacaq Azərbaycan millisinin rəqibləri son çempion Danimarka, İspaniya və İngiltərə yığmaları olacaq. İlk 2 pillənin sahibləri yarımfinala vəsiqə qazanacaq. Digər qrupda Fransa, Almaniya, Çexiya və Niderland komandaları güclərini yoxlayacaqlar.
Qeyd edək ki, çempionat gələn il fevralın 12-16-da keçiriləcək.
İdman.biz
