"Kubok matçlarında yerli oyunçular arasında maraqlı mübarizənin şahidi olacağıq”.
İdman.biz xəbər verir ki, bunu NTD-İNDİQO-nun basketbolçusu Rəşid Abbasov deyib.
O, Xaçmaz təmsilçisinin Azərbaycan kuboku çərçivəsində keçiriləcək "Şəki" ilə oyun öncəsi fikirlərini açıqlayıb. Abbasovun sözlərinə görə, məqsəd kuboku qazanmaqdır: “Rəqib liqa matçları ilə müqayisədə dəyişəcəyini düşünmürəm. Amma hər bir rəqibə hörmətlə yanaşırıq. İnanıram ki, NTD-İNDİQO-ya limit təsir etməyəcək. Komandada güclü yerli oyunçularımız var. Əsas oyunçular Elşad Şirzadov və Əkbər Məmmədovdur. Amma əminəm ki, Murad Babayev, Məhəmməd Hüseynli və Maqsud Hümmətov da özlərini yaxşı göstərəcəklər. 3+2 limiti yerli oyunçuları motivasiya edir. Bu o deməkdir ki, liqa oyunlarından fərqli, daha çox oynayacağıq. Özümüzü sübut etməliyik”.
Qeyd edək ki, NTD-İNDİQO – “Şəki” oyunu sabah saat 16:30-da “Sərhədçi” İdman Mərkəzində keçiriləcək.
İdman.biz
