Azərbaycanı FIBA Çempionlar Liqasında təmsil edəcək "Sabah" heyətini yeni basketbolçu ilə gücləndirib.
İdman.biz xəbər verir ki, Bakı təmsilçisi Hassani Qravetti heyətinə qatıb.
O, peşəkar karyerası ərzində 2021/2022 mövsümündə NBA-də çıxış edən "Orlando Mecik"in heyətində 8 oyuna çıxıb. Son mövsümü Polşanın "Slask" klubunda legioner həyatı yaşayan 27 yaşlı müdafiəçi 40 oyun keçirib.
Zəngin klub təcrübəsinə malik amerikalı basketbolçu ilə 2 illik müqavilə imzalanıb.
İdman.biz
