16 yaşadək basketbolçu qızlardan ibarət Azərbaycan millisi Avropa çempionatının C divizionunda final matçına çıxıb.
İdman.biz xəbər verir ki, yığmamız Cəbəllütariqdə təşkil olunan turnirin həlledici matçında Kiprlə qarşılaşıb.
Türkiyəli mütəxəssis Evren Alkayanın yetirmələri çempionatda keçirdikləri bütün görüşləri qələbə ilə başa vurublar. Yığmamız finalda Kiprlə üz-üzə gəlib. Millimiz 69:52 hesabı ilə qalib gələrək, C divizionun çempionu olub.
Qeyd edək ki, 3-cü yer uğrunda görüşdə Albaniya Maltaya qalib gəlib (43:41).
U-16-lar (qızlar) arasında Avropa çempionatı
C divizionu, final
14 iyul
20:15. Azərbaycan – Kipr - 69:52 (13:7, 21:12, 17:11, 18:22)
Cəbəllütariq. "Tersentenari" İdman Zalı
İdman.biz
