Basketbolun 3x3 növü üzrə Qadın seriyasının Quba mərhələsinin püşkü atılıb.
İdman.biz xəbər verir ki, iyulun 20-21-də baş tutacaq yarışın 8 iştirakçısı iki qrupa bölünüb.
“Baku Flames” klubu A qrupunda yer alıb. Təmsilçimiz Niderland, Avstraliya və Çin U-24 yığmaları ilə rəqib olub. B qrupunda isə Çexiya, Filippin və İran yığmaları, həmçinin Almaniyanın “Düsseldorf” klubu mübarizə aparacaq.
“Baku Flames” iyulun 20-də keçiriləcək qrup mərhələsinə Niderlandla matçla başlayacaq. Görüş 16:30-da start götürəcək. Çinlə qarşılaşma 18:10-da, Avstraliya ilə matç 20:00-da başlayacaq.
Qeyd edək ki, yığmamızın heyətində Sali Al-Xuri, Nailə Əlisultanova, Ləman İbrahimova və Evelina Qaradağlı yer alıb.
İdman.biz
