18 yaşadək basketbolçu qızlardan ibarət Azərbaycan yığması Avropa çempionatının C divizionunda növbəti matçını keçirib.
İdman.biz xəbər verir ki, millimiz Kosovonun paytaxtı Priştinada keçirilən yarışın yarımfinal oyununa çıxıb.
Qrup mərhələsini üç qələbə ilə başa vuran yığmamız Kiprlə qarşılaşıb. Türkiyəli mütəxəssis Evren Alkayanın çalışdırdığı komanda uğurlu seriyasını davam etdirib. Millimiz kiprliləri 66:49 hesabı ilə məğlub edib. İkinci finalçı Kosovo ilə Albaniyanın duelində müəyyənləşəcək.
Qeyd edək ki, final və 3-cü yer uğrunda oyun iyulun 28-də keçiriləcək.
Avropa çempionatı, C divizionu
Yarımfinal
27 iyul
19:00. Azərbaycan - Kipr - 66:49 (28:15, 13:3, 14:13, 11:18)
Tetori İdman Zalı
İdman.biz
