“Gəncə”də 17 yaşlı basketbolçu ilə yeni anlaşma

Azərbaycan Basketbol Liqasında yeni mövsümə hazırlaşan “Gəncə” daha bir basketbolçu ilə müqaviləni yeniləyib.

İdman.biz xəbər verir ki, ötən mövsümdən klubun şərəfini qoruyan Nicat Hüseynov ilə bir illik yeni anlaşma imzalanıb.

17 yaşlı hücumçu Gəncə basketbol məktəbinin yetirməsidir.

Qeyd edək ki, klub bundan əvvəl Maqsud Rüstəmov ilə müqaviləni uzadıb.

İdman.biz