Qadın basketbolçulardan ibarət Azərbaycan millisinin AVRO-2025-in qrup matçlarının təqvimində dəyişiklik olub.
İdman.biz xəbər verir ki, noyabrın 7-də Bakıda Polşanı qəbul etməli olan komandamız bu oyunu səfərdə Sosnoviç şəhərində yerləşən “Arena Sosnoviç”də keçirəcək.
Noyabrın 10-da Bakıda Litva millisi ilə olacaq görüş də eyni arenada oynanılacaq.
Polşalılar isə 2025-ci il fevralın 9-da paytaxtımıza səfər edəcəklər.
Dəyişikliklər noyabrda ölkəmizin Birləşmiş Millətlər Təşkilatının İqlim Dəyişmələri üzrə Çərçivə Konvensiyasının Tərəflər Konfransına (COP29) ev sahibliyi etməsi ilə bağlıdır.
İdman.biz
