Azərbaycan ilk dəfə olaraq 3x3 basketbol üzrə Dünya kubokunun seçmə mərhələ oyunlarına ev sahibliyi edəcək.
İdman.biz xəbər verir ki, Azərbaycan Basketbol Federasiyası (ABF) ilə FIBA arasında imzalanmış müqaviləyə əsasən, 2025-ci ilin seçmə mərhələ oyunları ölkəmizdə keçiriləcək.
Mayın 24-25-də Bakıda baş tutacaq qarşılaşmalarda 6 kişi və 6 qadın milli komandaları əsas mərhələyə vəsiqə qazanmaq uğrunda mübarizə aparacaqlar. Hər 2 yarışda Azərbaycan yığmaları da iştirak edəcəklər.
Qeyd edək ki, kişi və qadın kateqoriyalarında seçmə mərhələ oyunlarının ən yaxşı 3 komandası Dünya kubokunun əsas mərhələsində iştirak etmək hüququ qazanacaq.
İdman.biz
