“Sabah” ölkə çempionudur və rəqabətdə Rimas Kurtinaytisin komandası tipik elementlərinə malikdir, hücuma və ritmə daha çox diqqət yetirir”.
İdman.biz xəbər verir ki, bunu “Sabah”ın Avropa kubokunda rəqibi olan Yunanıstanın “Marussi” klubunun baş məşqçisi Nikos Vetulas deyib.
Mütəxəssis bu gün Bakıda keçiriləcək oyunla bağlı fikirlərini açıqlayıb. O bildirib ki, “Sabah”ın istədiyi basketbolu oynamayacaqlar: “Onlar Avropa Kubokuna yaxşı başladılar. Səfərdə “Şarlerua”ya 1 xalla uduzdular və çox yaxşı nəticə göstərdilər. Oyunun ən vacib hissəsi “Sabah”a uyğun üsluba qapılmamaq və səhv etməməkdir. Təbii ki, hər oyunda məqsədimiz qələbə qazanmaqdır. “Marussi”nin Avropada uzun bir tarixi ola bilər, lakin bu komanda həftədə iki oyuna uyğunlaşmalı olacaq. İnanırıq ki, bu, daha yaxşı komanda olmağımıza və irəliyə doğru addımlar atmağa kömək edəcək”.
Qeyd edək ki, “Sabah” - “Marussi” matçı bu gün Bakı İdman Sarayında keçiriləcək. Qarşılaşma saat 19:00-da başlayacaq.
İdman.biz
