“Həyəcanlı zamandır. Yarışda mübarizəni davam etdirmək üçün hər 2 ev oyununda qalib gəlməliyik”.
İdman.biz xəbər verir ki, bunu İrlandiyanın kişilərdən ibarət basketbol millisinin kapitanı Şon Flud deyib.
28 yaşlı basketbolçu DÇ-2027-nin 1-ci seçmə mərhələsində yığmamıza qarşı oynayacaqları matçı dəyərləndirib. O bildirib ki, qrupda 2 qarşılaşmada məğlubiyyətdən sonra son şanslarından maksimum istifadə etməyə çalışacaqlar: "Ya elə indi, ya da heç vaxt. Bilirik ki, Azərbaycan millisinin amerikalısı Cordan Devis çox istedadlıdır. O, İspaniyanın yüksək liqasında oynayır və Avropada olduqca uğurlu bir karyera qurub. Onlar bir neçə yerli istedadlı oyunçuya sahibdirlər. Yaxşı ölçüləri və üçlük atışlarını yerinə yetirmək qabiliyyətləri var. Belə bir oyunda hətta kiçik detallar da önəmlidir. Bizim düşərgədə çox yaxşı bir atmosfer var. Hər iki oyunu qazanmalıyıq. Amma birinci matçda qələbə olmasa, digərinin mənası qalmayacaq. Hamı diqqətini cəmləyib. Azərbaycan üzərində qələbəyə fokuslanmışıq. Kosovoya qarşı matç haqqında heç bir söhbət etməmişik. Yalnız bugünkü oyuna diqqətimizi cəmləmişik”.
Qeyd edək ki, bu gün Dublində keçiriləcək İrlandiya – Azərbaycan matçı saat 21:00-da start götürəcək.
İdman.biz
