Kişi basketbolçulardan ibarət milli komandaların FİBA reytinqi açıqlanıb.
İdman.biz xəbər verir ki, Azərbaycan yığması 74,7 xalla dünyada 116-cıdır.
Millimiz Avropa komandaları arasında 44-cüdür. Basketbolçularımız ötən cədvəllə müqayisədə 12 pillə geriləyiblər.
Yığmamız ən çox geriləyən komanda olub. Uğursuzlar sırasında yer alanlardan Taiti 8, Lüksemburq 7, Quam adaları ilə Albaniya hərəyə 5 addım geri düşüb.
Belə geriləməyə DÇ-2027-nin Avropa zonası üzrə 1-ci seçmə mərhələsindəki məğlubiyyətlər səbəb olub. Millimiz İrlandiyaya 67:91, İsveçrəyə 55:85 hesabı ilə uduzub.
Qeyd edək ki, 160 yığmanın yer aldığı siyahıya 839 xalla ABŞ başçılıq edir.
İdman.biz
