NBA-da "Memfis Qrizzils" aparıcı oyunçusu Ca Morantı qeyri-müəyyən müddətə itirib.
İdman.biz xəbər verir ki, ulduz basketbolçunun çiynindəki körpücük sümüyü sınıb.
Morant "Nyu-Orlean Pelikans"la görüşdə sıradan çıxıb. "Memfis"in 132:124 hesablı qələbəsi ilə başa çatan matçda Ca təxminən 25 dəqiqə meydanda olub və 25 xal toplayıb. Nəticədə 25 yaşlı basketbolçu sabah "Oklahoma-Siti Tander"lə qarşılaşmada meydana çıxa bilməyəcək.
Qeyd edək ki, Morant ötən mövsümdə də eyni zədədən əziyyət çəkib və uzun müddət meydana çıxa bilməyib.
İdman.biz
