“Çox gərgin oyun oldu”.
İdman.biz xəbər verir ki, bunu "Neftçi" basketbol klubunun məşqçisi Daviti Çivçivadze deyib.
“Ağ-qaralar”ın “sükanı arxasına” yeni keçən gürcüstanlı mütəxəssis komandasının ilk oyununu dəyərləndirib. O bildirib ki, Azərbaycan Basketbol Liqasında "Abşeron"la debüt görüşündə oyunçuları sonadək döyüşüblər: “Var gücümlə çalışacam ki, bu etimadı doğruldum. Oyunçularıma apardıqları əzmkar mübarizəyə görə təşəkkürümü bildirirəm. Hər iki komanda qarşılaşmaya az müddətdə hazırlaşmışdı. Məşqlərə vaxtımızın az olmasına baxmayaraq, çox yaxşı oynadıq, aqressiv oyun göstərdik. Ümid edirəm ki, gələcək qarşılaşmalarda daha da yaxşı olacağıq. Məşqlərdə hazırlaşdığımız kimi, oyunçularımız müdafiədə aqressiv, hücumda isə düzgün ötürmələr edərək yaxşı oyun göstərdilər".
Qeyd edək ki, “Abşeron”a 84:76 hesabı ilə qalib gələn “Neftçi” 13 xalla A qrupunda 4-cü yerə yüksəlib.
İdman.biz
