"Sumqayıtda çox yaxşı vaxt keçirirəm”.
İdman.biz xəbər verir ki, bunu "Sumqayıt"ın basketbolçusu Zayon Yanq klubun mətbuat xidmətinə açıqlamasında deyib.
Amerikalı basketbolçu bildirib ki, Sumqayıtda özünü çox yaxşı hiss edir: “Burada olduğuma görə şadam. Bu şəhərdə həmişə maraqlı nəsə baş verir. Komanda yoldaşlarım Aleksey Kitayev, Zaur Quşanov və Saadettin Donat qətiyyən məni darıxmağa qoymur. Onlar komanda daxilində də əla atmosfer yaradır".
Zayon qısa zamanda Azərbaycan çempionatının ən məhsuldar oyunçusuna çevrilməsinə görə də komanda yoldaşlarına minnətdarlığını bildirib: "Əvvəlcə, mənə burada oynamağa şans yaradanlara təşəkkürümü bildirirəm. Bu çempionatda mən əsl istedadımı nümayiş etdirə bilirəm. İstənilən halda komanda yoldaşlarıma minnətdaram. Məhz onların sayəsində mən liqada hər oyunda orta hesabla ən çox xal toplayan basketbolçuyam".
Qeyd edək ki, “Sumqayıt” 10 turdan sonra B qrupunda 13 xalla 5-ci pillədə qərarlaşıb.
İdman.biz
