"Mən bu oyunla bağlı çox söz deməyəcəm. Hər kəs olanları gördü".
İdman.biz xəbər verir ki, bunu "Abşeron"un baş məşqçisi Erhan Toker klubun mətbuat xidmətinə açıqlamasında deyib.
Türkiyəli mütəxəssis Azərbaycan kubokunun 1/8 finalında "Quba" üzərində qazanılan 96:94 hesablı qələbəni şərh edib: "Biz qalib gəlsək də çox yaxşı oynamadıq. Amma bir daha bu fikri səsləndirmək istəyirəm. Bu komandaya hörmət etmək vaxtı gəlib çatıb. Artıq bunu anlamalıdırlar. Mövsüm öncəsi bəlkə bizə yuxarıdan aşağı baxa bilərdilər, amma indi heç kimin belə haqqı yoxdu. Çempionatda da 3-cü pillədəyik və mübərizəmizi davam etdiririk. Təkrar edirəm, hörməti haqq edirik. Hakimlərdən, komandalardan bir sözlə hər kəsdən bu diqqəti və hörməti gözləyirik".
Qeyd edək ki, "Abşeron" 1/4 finalda "Naxçıvan"la qarşılaşacaq.
İdman.biz
