Bu gün kişi basketbolçular arasında Azərbaycan kubokunda 1/8 final mərhələsinə yekun vurulub.
İdman.biz xəbər verir ki, ikinci oyun gününün matçları paytaxtdan kənarda baş tutub
“Gəncə” öz meydanında “Ordu”nu sınağa çəkib. Görüş ev sahiblərinin inamlı qələbəsi ilə başa çatıb. "Ordu" mübarizəni dayandırdığı halda, "Gəncə" 1/4 finalda iştirak hüququ qazanıb.
“Neftçi” isə Sumqayıtda eyniadlı komanda ilə görüşüb. Oyun "ağ-qaralar"ın inamlı qələbəsi ilə yekunlaşıb.
Azərbaycan kuboku
1/8 final
29 yanvar
14:00. “Gəncə” – “Ordu” - 81:62 (25:16, 17:20, 21:12, 18:14)
Gəncə İS
19:00. “Sumqayıt” – “Neftçi” - 90:103 (18:24, 18:19, 22:22, 32:38)
Sumqayıt OİK
Qeyd edək ki, 1/8 finalın ilk günündə NTD və “Abşeron” mərhələ adlayıb.
İdman.biz
