Qadın basketbolçulardan ibarət milli komandaların dünya reytinqi açıqlanıb.
İdman.biz xəbər verir ki, Azərbaycan millisinin FİBA-nın cədvəlindəki yeri bəlli olub.
Evren Alkayanın yetirmələri planetin 103-cü komandasıdır. Yığmamızın hesabında 55,4 xal var.
Millimiz ötən cədvəllə müqayisədə 4 pillə irəliləyib. Hesabat dövründə AVRO-2025-in son iki seçmə oyununa çıxan komandamız Belçikaya 24:97, Polşaya 34:88 hesabı ilə uduzub. Məğlubiyyətlərə baxmayaraq irəliləmək digər ölkələrin geriləməsi ilə bağlıdır.
Qeyd edək ki, 118 yığmanın yer aldığı cədvələ 888,2 xala malik ABŞ başçılıq edir.
İdman.biz
