Basketbolun 3x3 növü üzrə “ABB Gənc Basketbol Liqası” start götürüb.
İdman.biz xəbər verir ki, bunu Azərbaycan Basketbol Federasiyasının mətbuat xidməti açıqlayıb.
Bakı İdman Sarayında liqanın qrup oyunları keçirilib. 20 komandanın iştirakı ilə baş tutan yarışın ilk mərhələsində 10 komanda mübarizəni dayandırıb.
Qruplarda uğurlu nəticə əldə etmiş “Xəzər”, BMU-2, “İdman Akademiyası”, AzTU, “Xəzər-2” və “İdman Akademiyası-2” birbaşa 1/4 final mərhələsinə yüksəliblər. Bu komandalardan əlavə, ATU-2 (Gəncə) – ADNSU-2 və AzTU-2 – “Torpaq” cütlərinin qalibləri də, 1/4 final mərhələsinə vəsiqə qazanacaqlar.
Qeyd edək ki, “ABB Gənc Basketbol Liqası”nın 1/4 final oyunları ilə yanaşı, yarımfinal və final oyunları da fevralın 25-də baş tutacaq.
İdman.biz
