"Qolden Steyt Uorriorz"un basketbolçusu Stefan Karri Lebron Ceymsi arxada qoyub.
İdman.biz xəbər verir ki, o, "Los-Anceles Leykers"də çıxış edən həmkarını bir oyunda 50 və daha çox xal toplama statistikasında qabaqlayıb.
Stefan "Memfis Qrizzliz"lə qarşılaşmada 52 xal toplayıb. Bu onun karyerasında 15-ci belə matç olub. Nəticədə Karri bu göstəricidə Lebronu arxada qoyub. O, "Miluoki Baks"da çıxış edən Demyen Lillarda çataraq, 6-cı pilləyə yüksəlib. Onlar Elcin Beylor (17 oyun), Ceyms Harden (24), Kobi Brayent (25), Maykl Cordan (25) və Uilt Çemberlendən (118) geri qalırlar.
Qeyd edək ki, "Qolden Steyt Uorriorz" səfərdə "Memfis Qrizzliz"ə 134:125 hesabı ilə qalib gəlib.
İdman.biz
