Azərbaycanın 3x3 basketbol komandaları Serbiyanın Zlatibor şəhərində keçirilən Gimnaziada İdman Oyunlarında çıxışını başa vurub.
İdman.biz-in Oyunlara ezam olunmuş əməkdaşı xəbər verir ki, təmsilçilərimiz yarışla 1/4 final mərhələsində vidalaşıblar.
Tatyana Deniskinanın baş məşqçisi olduğu qızlardan ibarət komandamız yarımfinala gedən yolda Çinlə qarşılaşıb. Basketbolçularımız asiyalılara 7:21 hesabı ilə uduzublar.
Zaur Paşayevin baş məşqçisi olduğu oğlan millimiz günə qələbə ilə başlayıb. Komandamız 1/8 finalda Kosta Rikanı 16:15 hesabı ilə məğlub etsə də, ardınca Çili ilə bacarmayıb – 9:14.
Qeyd edək ki, basketbol yarışlarında qalibin adı bu gün bəlli olacaq.
İdman.biz
