Azərbaycan Basketbol Liqasına (ABL) xarici hakimlər dəvət olunub.
İdman.biz xəbər verir ki, bunu Azərbaycan Basketbol Federasiyasının mətbuat xidməti açıqlayıb.
Çempionatın pley-in və pley-off mərhələlərinin oyunlarını idarə etmək üçün FİBA dərəcəli iki əcnəbi hakimə
dəvət göndərilib. Təcrübəli referilər Nemanya Vlahoviç (Serbiya) və Nace Mohoriç (Sloveniya) artıq pley-inin ilk oyununda da hakimlər briqadasında yer alıblar. Bu addım həm matçların daha ədalətli keçməsi, həm də gənc yerli hakimlərin təcrübə toplamasına xidmət edir.
Qeyd edək ki, pley-in mərhələsinin ilk oyunları aprelin 10-11-də keçirilib. İkinci görüşlər ayın 13-14-də baş tutacaq.
İdman.biz
