"Həm klub, həm də azarkeşlərimiz üçün bacardığımız qədər irəli getmək istəyirik".
İdman.biz xəbər verir ki, bunu "Gəncə" basketbol komandasının üzvü Malek Deyvis deyib.
Amerikalı basketbolçu onları pley-offda çətin sınaq gözlədiyini bildirib: “Məqsədimiz oyunlarda qalib gələrək mövsümü uzatmaq üçün özümüzə fürsət verməyə davam etməkdir. Bizi qarşıda “Şəki” ilə matçlar gözləyir. Mən bu oyunların, pley-offun çox çətin olacağını gözləyirəm. Hər görüş böyük bir döyüş olacaq. Hazırlığımız və məşqçimizin oyun planı ilə qalib gəlmək üçün gücümüzü meydanda maksimum qoymağa çalışacağıq. Yaxşı məşqlər keçmişik. Verilən tapşırıqları meydanda tam yerinə yetirməyə çalışmışıq. Rəqibi də təhlil etmişik. Eyni qrupda mübarizə apardığımızdan tanıdığımız komandadı”.
Qeyd edək ki, “Gəncə”Azərbaycan Basketbol Liqası pley-in mərhələsində hər iki oyunda “Lənkəran”a qalib gəlib. Komanda pley-offda "Şəki" ilə qarşılaşacaq.
İdman.biz
