FİBA Avropa Kubokunda “Sabah”ın rəqibi olan “Bağçaşəhər Kolleci” Türkiyə Liqasında növbəti oyununu keçirib.
İdman.biz xəbər verir ki, istanbullular 7-ci turun bağlanış matçında “Bursaspor”un qonağı olublar. Oyun meydan sahiblərinin 104:91 (27:24, 26:24, 28:22, 23:21) hesablı qələbəsi ilə yekunlaşıb.
Bu “Sabah”ın rəqibinin daxili çempionatda ardıcıl 2-ci məğlubiyyəti olub. Türkiyə Liqasında 9 xala malik “Bağçaşəhər Kolleci” 11-ci pillədə qərarlaşıb.
Qeyd edək ki, “Bağçaşəhər Kolleci” - “Sabah” görüşü noyabrın 15-də keçiriləcək.
Emin Ağa
İdman.biz
