“Miluoki Baks”ın forvardı Yannis Adetokunbo NBA-nın tarixinə düşüb.
İdman.biz xəbər verir ki, yunanıstanlı basketbolçu “Dallas”la oyunda liqanın rekordunu yeniləyib.
Yannis 16000 xal, 7000 götürmə və 3000 ötürmə edən ən gənc basketbolçu kimi adını tarixə yazdırıb. O, 28 yaş və 347 günündə bu uğura imza atıb. Əvvəlki liderlik Kevin Qarnettə (29 yaş və 199 gün) məxsus olub. Növbəti yerləri Kərim Əbdül-Cabbar (30 yaş və 354 gün), Larri Börd (21 yaş və 36 gün) və Lebron Ceyms (31 yaş və 84 gün) tuturlar.
Qeyd edək ki, “Miluoki”nin 135:125 hesablı qələbəsi ilə başa çatan görüşdə Adetokunbo 40 xal, 15 götürmə və 7 ötürməlik nəticəyə imza atıb.
İdman.biz
