Boks ulduzu Mayk Tayson rinqdə qarşılaşmaq arzusunda olduğu boksçunun adını çəkib.
İdman.biz xəbər verir ki, o, Floyd Meyvezerlə görüşmək istədiyini bildirib.
Tayson bu barədə Amerika mətbuatına müsahibəsində deyib: “Arzuladığım rəqib? Floyd Meyvezer. Onunla döyüşməyi çox istərdim. Əlbəttə, əgər o mənim çəkimdə olsa idi”.
Meyvezer karyerası ərzində keçirdiyi 50 döyüşün 50-də də qələbə qazanıb.
Qeyd edək ki, 58 yaşlı Tayson noyabrın 15-də Arlinqtonda (ABŞ) blogger Cek Polla rinqə çıxacaq.
İdman.biz
