“Fyuri Usiki məğlub edəcək. Aleksandr bütün döyüş boyu ondan qaça bilməyəcək, Tayson onu yoracaq, sonra ona hücum edib zərbələr endirəcək”.
İdman.biz xəbər verir ki, bunu əfsanəvi boksçu Mayk Tayson deyib.
O, britaniyalı Tayson Fyuri ilə ukraynalı Aleksandr Usik arasında mütləq dünya çempion adı uğrunda keçiriləcək döyüş barədə fikirlərini açıqlayıb. Tayson bu döyüşdə adaşını favorit sayır: “Usik titulsuz qalacaq. Mən Aleksandrın böyük pərəstişkarıyam, lakin o, sadəcə rinqdə qaçmaqla Taysonu məğlub edə bilməyəcək, döyüşməlidir”.
Döyüşün bu ilin dekabrında və ya 2024-cü ilin yanvarında Səudiyyə Ərəbistanında keçiriləcək. Fyuri - Usik döyüşünün qalibi dörd kəmər dövründə ilk ağır çəkidə mütləq dünya çempionu olacaq.
İdman.biz
