Dünya boksunun əfsanəsi Məhəmməd Əlinin nəvəsi Niko Əli Ualsa təzyiqlər davam edir.
İdman.biz ABŞ mətbuatına istinadən xəbər verir ki, ailəsi durmadan Niko Əlidən böyük arenalarda ciddi uğurlar qazanmasını tələb edir. Məşqçisi, sabiq dünya çempionu Kris Eubank isə ona daha çox mənəvi dəstək olur. Onu inandırmağa çalışır ki, boks aləmində babası kimi adından söz etdirə biləcək, ailə mirasının məşələni daşımağa borclu olduğunu bildirir, sadəcə olaraq nəvə Əli özünə inanmalıdır.
Qeyd edək ki, Məhəmməd Əlinin nəvəsi, 23 yaşlı Niko Əli Uals peşəkar karyerası ərzində 9 görüş keçirib, 8 qələbədən beşi nokautla başa çatıb, yalnız bir görüşdə rinqi başı aşağı tərk edib.
Ağa Dadaşzadə
İdman.biz
