Beynəlxalq Şahmat Federasiyasının (FIDE) prezident seçkiləri ilə əlaqədar Baş Assambleyanın Özbəkistanın Səmərqənd şəhərində keçirilən iclası davam edir.
Tədbir çərçivəsində Özbəkistanın baş naziri, Özbəkistan Şahmat Federasiyasının sədri Abdulla Aripov da çıxış edib.
O, ölkə prezidenti Şavkat Mirziyoyev adından tədbir iştirakçılarına salamlarını çatdırıb və Səmərqənddə belə mötəbər şahmat tədbirinin keçirilməsinin əhəmiyyətini vurğulayıb.
FİDE-nin müvəqqəti prezidenti, beşqat dünya çempionu Vişvanatan Anand da tədbirdə çıxış edib. Hindistanlı qrossmeyster 2026-cı ilin iyulundan FİDE-yə müvəqqəti prezident kimi rəhbərlik edir.
FİDE prezident seçkiləri beynəlxalq şahmat ictimaiyyəti üçün mühüm hadisə hesab olunur. Seçkilərin nəticələri təşkilatın qarşıdakı dörd il ərzində fəaliyyət istiqamətlərinin müəyyənləşdirilməsi baxımından əhəmiyyət daşıyır. FİDE-nin rəsmi məlumatına görə, seçkilərdə təşkilatın növbəti rəhbərliyi müəyyənləşdiriləcək.
Baş Assambleya çərçivəsində FİDE-nin fəaliyyəti, şahmatın inkişafı və təşkilatın gələcək prioritetləri ilə bağlı məsələlər müzakirə olunur. Prezident seçkilərinin nəticələrinin sentyabrın 26-da müəyyənləşdirilməsi nəzərdə tutulur.
08:41
Beynəlxalq Şahmat Federasiyasının (FIDE) prezident seçkiləri ilə əlaqədar Baş Assambleyası Özbəkistanın Səmərqənd şəhərində keçirilir.
İdman.Biz xəbər verir ki, sentyabrın 26-27-də keçirilən tədbir şəhərdə yerləşən “İpək Yolu Sərgi Mərkəzi”ndə təşkil olunub. Assambleyada dünyanın müxtəlif ölkələrindən şahmat federasiyalarının nümayəndələri iştirak edirlər.
FIDE-nin vitse-prezidenti, Azərbaycan Şahmat Federasiyasının prezidenti Mahir Məmmədov da Baş Assambleyada iştirak edir. O, seçki prosesi çərçivəsində keçirilən tədbirlərdə və müzakirələrdə iştirak edir.
FIDE prezident seçkiləri beynəlxalq şahmat ictimaiyyəti üçün mühüm hadisə hesab olunur. Seçkilərin nəticələri təşkilatın qarşıdakı illərdə fəaliyyət istiqamətlərinin müəyyənləşdirilməsi baxımından əhəmiyyət daşıyır.
Baş Assambleya çərçivəsində FIDE-nin fəaliyyəti, şahmatın inkişafı və təşkilatın gələcək prioritetləri ilə bağlı məsələlər müzakirə olunur. Prezident seçkilərinin nəticələrinin sentyabrın 27-də açıqlanması gözlənilir.
Araz Xəlilli
