Sabah Durrasda şahmat üzrə klublararası Avropa kubokuna start veriləcək.
İdman.biz xəbər verir ki, Albaniyada Azərbaycanı “Vüqar Həşimov” klubu təmsil edəcək.
Komandanın heyətində Rauf Məmmədov, Aydın Süleymanlı, Vüqar Əsədli, Əhməd Əhmədzadə, Abdulla Qədimbəyli, Ülvi Sadıxov və Read Səmədov yer alacaq.
“Vüqar Həşimov” reytinqdə 10-dur. Onlar ilk turda sabiq dünya çempionu Vişvanatan Anandın rəhbərlik etdiyi Rumıniyanın “Superchess” klubuna qarşı oynayacaqlar.
Qeyd edək ki, kubokda 84 komanda mübarizə aparacaq.
Zəki Feyzullayev
İdman.biz
