"FIDE Circuit 2025" reqlamentinə bir sıra dəyişikliklər etməyi planlaşdırılır.
İdman.biz xəbər verir ki, hazırda bu, şahmatçıların mövsümboyu göstərdikləri nəticələrə görə xalların verildiyi reytinqdir və 2024-cü və 2025-ci illərin ən yaxşı şahmatçıları İddiaçılar turnirində oynamaq imkanı qazanacaqlar.
Birinci ilin təsnifatına əsasən, FIDE xalların verilməsində dəyişikliklər etməyi və iştirakçılar arasında rəqabəti gücləndirməyi planlaşdırır. Birinci yenilik dairəvi sistemli turnirlərdə "Circuit" xalı qazanmaq hüququ olan oyunçuların sayındakı dəyişikliklə bağlıdır.
10-dan az iştirakçısı olan turnirlərdə xalları yenə də ilk üç yeri tutanlar qazanacaq.
10-12 iştirakçının qatıldığı dairəvi turnirlərdə ən yaxşı "dördlüy"ə xallar veriləcək.
12-dən çox şahmatçının qatıldığı turnirlərdə ilk beş yeri tutan qrossmeysterlər xal alacaqlar.
Bu dəyişikliklər daha uzun turnirlərdə daha çox oyunçuya xal verməklə onların dəyərini daha yaxşı əks etdirmək məqsədi daşıyır. Bu, daha böyük turnirlərin ədalətli şəkildə qiymətləndirilməsini təmin edir.
Digər məqam isə iki dövrəli superturnirlərdə iştirak hüququ ilə bağlıdır.
Ən azı 6 iştirakçısı və orta ELO reytinqi 2700 olan yarışlar da "Circuit" xalı alacaqlar.
Bu dəyişiklik elit oyunçuların mütəmadi iştirak etdiyi və FIDE təqvimində əsas hadisələr olan nüfuzlu superturnirlərin əhəmiyyətini qəbul edir.
Digər dəyişiklik eyni gündə bir neçə turu olan turnirlər üçün xalların azaldılmasıdır.
"FIDE Circuit 2025" reqlamentinin yekun variantının yaxın günlərdə FIDE Şurası tərəfindən təsdiqlənməsi və 2024-cü il dekabrın 31-dək dərc olunması gözlənilir.
Fabiano Karuana hazırkı "FIDE Circuit"da liderdir. Amerikalı 130,42 xal toplayıb. Hindistanlı Arcun Eriqaisi Hindistan 124,40 xalla ikinci yeri tutur. İlk "üçlüy"ü özbək Nodirbek Abdusattorov 108,49 xalla tamamlayır.
Qeyd edək ki, bundan əvvəlki dövrdə yalnız bir şahmatçı "FIDE Circuit" vasitəsilə iddiaçılar turnirinə vəsiqə qazanıb.
İdman.biz
