Monteneqronun Petrovaç şəhərində 20 yaşadək şahmatçılar arasında dünya çempionatı davam edir.
İdman.biz xəbər verir ki, Ayan Allahverdiyeva üçüncü turda növbəti qələbəsini qazanıb.
Azərbaycan şahmatçısı Anna Şukmana (FIDE) qalib gələrək, xalını 3-ə çatdırıb və Anna Jurova (FIDE) ilə liderliyi bölüşür.
Lalə Hüseynova Zarina Nurqaliyevaya (Qazaxıstan) məğlub olub, Nərmin Abdinova isə Milena Qasparyanla (Ermənistan) heç-heçə edib.
Şiroğlan Talıbov da startda iki qələbədən sonra Cin Yuhenqlə (Çin) xalı yarı bölüblər - 0,5:0,5. O, 2,5 xal toplayaraq səkkizinci yerdə qərarlaşıb.
Ginqfenq Cao (Çin) ilə heç-heçə edən Xəzər Babazadə ondan yarım xal az toplayıb.
İdman.biz
