Azərbaycan şahmatçısı Azər Mirzəyev Macarıstanın paytaxtı Budapeştdə keçirilən “One Week March” beynəlxalq turnirində iştirak edir.
İdman.biz xəbər verir ki, üç turdan sonra o, bir qələbə, bir heç-heçə və bir məğlubiyyətlə 1,5 xal toplayıb.
Mirzəyev üçüncü oyununda Karlos Merkado (Meksika) ilə sülh bağlayıb.
Qrossmeysterimiz liderlərdən yarım xal geri qalaraq turnir cədvəlinin yeddinci pilləsində qərarlaşıb.
Qrossmeysterlərin A turniri 10 şahmatçının iştirakı ilə dairəvi sistem üzrə keçirilir.
İdman.biz
