Rumıniyanın Eforie Nord şəhərində kişi şahmatçıların Avropa çempionatı özünün kulminasiya nöqtəsinə yaxınlaşır. İştirakçılar bir çox cəhətdən həlledici olan üç tura iddialıdırlar. Xüsusilə, qrossmeysterlər nəinki fəxri kürsü, həm də Dünya kubokuna vəsiqələr uğrunda mübarizə aparırlar.
İdman.biz xəbər verir ki, rəqabət pik həddə çatıb və turnir cədvəldəki vəziyyət mübarizəni daha da alovlandırır.
Liderlə “Top-50”dəki şahmatçılar arasında cəmi bir xal fərqi var. Ona görə də bir oyunda əldə olunan nəticənin əhəmiyyəti dəfələrlə artır, o cümlədən Azərbaycan qrossmeysterləri üçün.
Bu baxımdan ardıcıl iki qələbə qazanan, aktivində altı xal olan yarım Nicat Abasov liderdən cəmi yarım xal geri qalır. Onun hazırkı 19-cu mövqeyi daha şərtidir, çünki 18 iştirakçı eyni göstəricilərə malikdir və bütün göstəricilər bərabərdirsə, üstünlük yalnız əlavə göstəricilərlə hesablanır. Ona görə də növbəti turdakı qələbə Nicata ən azı ilk “onluğ”a düşmək imkanı verə bilər.
Eyni zamanda, çempionatda Əhməd Əhmədzadə, Aydın Süleymanlı və Məhəmməd Muradlı Abasovdan cəmi yarım xal geri qalırlar. Onlar üçün də heç nə itirilməyib. Muradlı Avropa çempionatında ən güzəştsiz şahmatçıdır – beş qələbə, iki məğlubiyyət və bir heç-heçə. Ardıcıl iki məğlubiyyətdən sonra bolqar Svetan Stoyanova qalib gələn qrossmeysterimiz Dünya kubokuna şanslarını qoruyub saxlayıb.
Xüsusilə Moskvada keçirilən “Aeroflot Open” turnirindəki uğursuzluq fonunda Süleymanlı növbəti yarışını keçirir. Yeddinci turda həmyerlimiz Misrəddin İskəndərov üzərində qazandığı qələbə, israilli Yaxlı Sokolovski ilə heç-heçə isə Aydına ümumilikdə 5,5 xal qazandırıb. Onlar hazırda “Top-23”dən yarım xal geri qalırlar.
Turmnir cədvəlinin ilk “beşliy”indəki iştirakçıların hər biri 6,5 xal toplasa da, gürcü Baadur Cobava hələlik liderdir.
Zəki Feyzullayev
İdman.biz
