Yunanıstanın Rodos adasında qadınlar arasında şahmat üzrə Avropa çempionatı davam edir.
İdman.biz xəbər verir ki, yarışda Azərbaycanın səkkiz şahmatçısı çıxış edir.
İki turdan sonra hesabında iki qələbə olan Beydullayeva 3-cü turda xal itirib. O, Viktoriya Radeva (Bolqarıstan) ilə xalları yarışya bölüb. Növbəti qələbəsini qazanan Səbinə İbrahimova liderlər qrupuna yaxınlaşıb. Hər iki şahmatçımızı 1-ci pillədən yarım xal ayırır.
Bu yarışdan Dünya kubokuna on vəsiqə də veriləcək.
Avropa çempionatında ümumilikdə 34 ölkədən 137 şahmatçı mübarizə aparır.
3-cü turda Azərbaycan şahmatçılarının qarşılaşacaqları rəqiblər:
Gövhər Beydullayeva - Viktoriya Radeva (Bolqarıstan) - 0,5:0,5
Dinara Vaqner (Almaniya) - Ayan Allahverdiyeva - 0,5:0,5
Gülnar Məmmədova - Mariya Gevorqyan (Ermənistan) - 0,5:0,5
Nadya Tonçeva (Bolqarıstan) - Türkan Məmmədyarova - 1:0
Ülviyyə Fətəliyeva - Yohanna Paaskilanqas (Finlandiya) - 1:0
Yevgeniya Doluxanova (Ukrayna) - Səbinə İbrahimova - 0:1
Lalə Hüseynova - Mixalina Rudzinska (Polşa) - 1:0
Nərmin Abdinova - Kanişka Bhatia (Şotlandiya) - 1:0
3 turdan sonra liderlərin mövqeyi:
1. Monika Soçko (Polşa), 2. Eline Röberts (Hollandiya), 3. İrina Bulmaqa (Rumıniya) - 3 xal... 6. Gövhər Beydullayeva, 11. Səbinə İbrahimova - hərəyə 2,5 xal.
İdman.biz
