Tadey Poqaçar kişilər arasında, Lotte Kopetski isə qadınlar arasında velosiped idmanında 2024-cü ilin ən yaxşıları seçiliblər.
İdman.biz xəbər veir ki, onlar velosiped idmanının "Qızıl top"u sayılan "Velo d'Or" mükafatına layiq görülüblər.
Sloveniyalı Poqaçar 1987-ci ildən bəri eyni mövsümdə "Giro d'İtalia", "Tour de France" və dünya çempionatının şosse yarışının qalibi olan ilk idmançıdır. Belçikalı Kopetski isə bu il 16 yarışda qalib gələrək dünya çempionu titulunu qoruyub saxlayıb və Olimpiya bürüncünü qazanıb.
Qeyd edək ki, Poqaçar ilk dəfə "Velo d'Or" mükafatına 2021-ci ildə layiq görülüb.
İdman.biz
