Serbiya millisi AVRO-2024-də çıxışını dayandıra bilər.
İdman.biz xəbər verir ki, bunu Serbiya Futbol İttifaqının baş katibi Yovan Şurbatoviç açıqlayıb.
O bildirib ki, əgər UEFA Xorvatiya - Albaniya oyununda (2:2) baş verənlərlə bağlı sərt sanksiyalar tətbiq etməsə, komandası turniri yarımçıq tərk edəcək: “Baş verənlər qalmaqaldır. Serbiya Futbol İttifaqı UEFA-dan ən sərt sanksiyaların tətbiqini tələb edəcək. Əks halda isə biz Avropa çempionatında çıxışımızı dayandıracağıq. Biz bunun bir daha təkrarlanmasını istəmirik”.
Qeyd edək ki, Xorvatiya - Albaniya oyununda hər iki komandanın azarkeşləri “Serbi öldür” şüarını səsləndiriblər.
İdman.biz
