Türkiyə yığması Avropa çempionatlarının pley-offunda ən erkən qolu vurub.
İdman.biz xəbər verir ki, Merih Demiral 1/8 finalda Avstriya ilə oyunun 57-ci saniyəsində fərqlənib.
Türkiyəli futbolçu Robert Levandovskinin rekordunu yeniləyib. Polşalı hücumçu AVRO-2016-da Portuqaliya – Polşa (1/4 final, 1:1, pen. 5:3) görüşünün 100-cü saniyəsində topu rəqib komandanın qapısından keçirib.
Qeyd edək ki, Türkiyə yığması dünya çempionatlarının pley-offunda da ən erkən qolu vurub. Hakan Şükür DÇ-2002-də 3-cü yer uğrunda oyunda Cənubi Kreyanı 11-ci saniyədə məyus edib.
İdman.biz
